| ACHTKARSPELEN - zaterdei 20 febrewaris giet de FNP Achtkarspelen mei it Fytskafee troch alle doarpen fan de gemeente.
Jo kinne dan yn petear mei de kandidaatsriedsleden oer allerhanne politike saken. Jo kinne sels ek meifytse en ûnder it fytsen wei mei de kandidaten yn diskusje gean.
Doch mei! Tink mei! Praat mei en fyts mei ús mei. Foar in bakje kofje wurdt soarge. Op en yn it fytskafee fine jo fêst wat fan jo gading, want de fytsers komme net mei lege hannen.
Lit oankommende saterdei jo gesicht sjen, praat en fyts mei de FNP mei. Wy wolle graach útlizze wêr’t de FNP foar stiet en wat jo de kommende fjouwer jier fan de FNP ferwachtsje kinne en meie. Dit is in unike kâns om op dizze wize jo miening oan de kandidaten hearre te litten en tagelyk mei harren yn’e kunde te kommen.
De FNP is in partij dy’t al 35 jier lang midden yn de mienskip stiet en boarch stiet foar in sosjale mienskip. De basis fan it FNP sukses berêst op it goede kontakt mei de befolking, bouwe fan ûnderen op.
De FNP is foar minder regeljouwing, koarte linen nei de boargers. Iepen doarren en lege drompels. Noed stean foar minsken mei in smelle beurs. In deeglik duorsum belied. Sportfoarsjennings en doarpshuzen yn stân hâlde. Gjin lesteferheging yn dizze krisistiid. Mear betelbere hierwenten bouwe. Us jeugd moat in eigen plak hawwe. Mear senioaren- en starterswenten bouwe. Mear omtinken en solidariteit foar- en mei-inoar. Dit binne in oantal spearpunten dy’t yn it FNP program te finen binne en wy as FNP graach réalisearje wolle.
Jo ús de kâns om dat de kommende fjouwer jier wier te meitsjen en jou jo stim op 3 maart oan de FNP list 3!
Wannear binne wy by jo yn it doarp op 20 febrewaris: 
9.30 -10.00 oere Bûtenpost; 10.15- 10.30 oere Gerkeskleaster/Stoobos; 10.45- 10.55 oere Surhuzum; 11.05 -11.15 oere Stynsgea; 11.30 – 11.45 oere Droegeham; 11.55 – 12.15 oere Koatstertille; 12.55- 13.15 oere Twizelerheide;13.30-13.45 oere Twizel; 14.00 -14.45 oere Harkema; 15.00 -15.15 oere Boelensloane; 15.30 – 17.00 Surhústerfean. |
